Departamento di Salud Publico lo bay tin un campaña di vacunacion escolar. E lo bay cuminsa di 11 di September. E ta un campaña annual, unda cu ta bay bishita scol y eynan ta vacuna e muchanan.
Minerva Bleiden, kende ta schoolverpleegkundige di e Departamento di Salud Hubenil, a splica cu loke nan ta bay cuminsa haci, ta parti e formularionan di permiso. Ta hiba e formulario scol, hunto cu un folder di informacion. E muchanan ta hiba e carta aki cas, caminda cu e mayornan por lesa e carta y folder y si nan kier pa nan yiu haya e vacuna, por duna e permiso y e carta ta bay scol bek y asina ta haya e carta eynan.
Ora cu tin tur e permisonan aden, ta prepara y wak ki vacuna e muchanan falta y ta bay scol e ora eynan pa duna e muchanan e vacuna. Esey ta dia 11 di September, ora cu e campaña cuminsa.
Con importante
Ta vacuna e muchanan contra Difteria, tetanus, kinkhoest, cu polio y tambe esun di bof, sarampi y rode hond. Eseynan ta vacunanan cu ta proteha e muchanan contra e malesanan aki.
Pa cuanto tempo
E vacuna aki ta pa basta aña cu e muchanan lo wordo proteha. Tin caso cu e muchanan por haya un boest despues di tempo. Pero esun di difteria, tetanus, kinkhoest y polio, lo ta nan ultimo.
5de klas
E grupo di mas grandi ta 5de klas. E ora nan ta haya nan ultimo vacuna. Tambe nan ta mik riba e muchanan di kleuter. Esunnan cu no a caba nan vacunacion den e schema na Wit Gele Kruis, nan ta haya na scol. Algun mucha tambe den eerste, cu no a completa nan vacuna, tambe ta haya di nan na scol. Pero e grupo di mas grandi cu ta enfoca riba dje, ta e muchanan di 5de klas y tambe tin e muchanan di 6de klas, cu ta haya un otro vacuna y esey ta HPV.
Cooperacion di mayor
Con cu bay bin, e mayor tin cu duna autorisacion. Bleyden ta haci un apelacion na e mayornan pa coopera cu nan, pa asina nan duna e permiso y pa nan por vacuna e muchanan, pa e proceso bay mas lihe.
