Tabata alrededor di 9:15 pm cu a sosode un accidente semi frontal na e crusada di Pos Abou. Ta entre dos auto marca Nissan. Un tabata biniendo for di Sasaki mientras e otro for di Hato.
E chauffeur di e Nissan cu tabata biniendo for di Sasaki kier a bay lora na su man robes, pero e otro Nissan por poco a dal frontal contra di dje. A dal e net n’e luz part’i dilanti.
Durante pleno accidente, e chauffeur di e nissan cu tabata biniendo for di Sasaki a conta cu; un hende a horta su tas. A rondia den auto pero no a topa cu e tas. Den e tas, tabatin e documento di auto, rijbewijs y placa.
Di otro banda, e otro chauffeur cu a bin dal semi frontal, a resulta cu e tabata bou influencia di alcohol. Polis a haci un test cu ne y a constata cu el a surpasa e limite permiti. A deten’e y a transport’e pa ward’i polis.
