Diasabra a tuma luga den centro di Oranjestad e di dos edicion di DownTown Throwdown 2024. E ta un evento di hisamento di peso (bodybuilding) organisa anualmente.
Darrel Werleman cu ta e organisado y miembro di hurado di evento aki, hunto cu su team a zorg pa tur cos bay bon durante e evento deportivo.
Werleman ta mustra cu tawata tin total 60 participante na evento aki, competiendo pa diferente categoria. Tawata tin participacion tanto di damas y cabayero.
E organisado a mustra cu e competencia a bay hopi bon, tawata tin hopi hende cu a yuda, e sponsornan. Ta mustra cu e evento tawata miho cu aña pasa y tin tur expectativa cu pa otro aña e evento lo ta mas grandi ainda.
Competencia a bay hopi bon, tawata un poco retrasa debi cu a want’e un poco tight, a caba prome cu e ora stipula, ta hopi contento con tur cos a bay.
Na final Werleman a mustra: “Sigui pusha pa mas, esaki ta un manera p’ami di duna bek na comunidad.” Stimula e deporte di cross fit y cu participacion di mas persona.
