Awe tardi a yega 30.420 vacuna for di Hulanda riba un vuelo di KLM. Esaki ta bira e di cuater batch di vacuna cu nos ta ricibi. Compara cu e prome tres batchnan, unda cu a ricibi un poco mas di dies mil vacuna, awe a yega mas cu trinta mil.
Dia 23 di maart ultimo, tabata ultimo biaha cu nos a ricibi vacuna. Manera ya ta conoci, te cu ayera, 33.417 persona a vacuna di cual 46.605 persona a registra.
DVG a priminti den un comunicado di prensa, cu, si 75% pa 80% di nos comunidad vacuna, lo sondea e posibilidad pa cuminsa suavisa e medidanan existente.
Manera ya ta conoci tambe, awo, tur hende por vacuna, pues no tin grupo di meta mas compara cu prome.
