Tabata casi den pito final di e parada di Jouvert Morning, alrededor di 7:40 am ora cu polis a detene un hende muhe dilanti di Joe Laveist Sport Park. E tabata comporta su mes di un forma hopi agresivo den e multitud di hende. Bou gritamento y ta zwaai man y sin cu e sa, ta hefta hende cu wanta.
Polis a atende na prome instante di un forma masha trankil y a pidie pa comporta su mes. El a burla di e agente policial y a contest’e: “T’ami ta manda, bo n’ tin nad’i bisa mi”. E polis mesora su pasenshi a caba cu e hende muhe aki y a bay over mesora n’e proceso di detencion.
E no a deten’e p’e forma di papia sino cu e no a sigui ordo di polis y tabata insult’e. Den un transporte policial a bay cu ne direccion di warda di polis, pa ey present’e dilanti un sub-fiscal cu lo dicidi riba su con lo atende cu ne pa evita mas problema despues di e parada di carnaval.
