Tin un team special di polis cu tin e enfoke pa combati bendemento di droga riba nos isla. E team aki ta consisti di varios recherche y polisnan specialisa rib’e tereno di droga.
Awe den oranan di atardi, alrededor di 2:30 pm e team aki a pone man riba un homber den Awakatistraat den Dakota. Nan tabata vigil’e pa algun dia caba y awe a canta bingo. E ta sospecha di bendemento di droga y ta envolvi den un cartel di droga. A transport’e pa ward’i polis den un transporte policial.
E sospechoso tin 28 aña di edad y di inicial F.H.
