Diamars anochi alrededor di 7:35 pm a sosode un accidente rib’e caminda di Tanki Flip. Un auto marca Kia modelo Rio numera V-998 a perde control y cay den greppel. Ta trata di un pareha turista riba un paranda. Ambos tabata bou influencia di un of otro substancia. Na sitio a tuma nota di boternan di biña benta pafo di e auto.
Testigonan a conta cu e hende muhe tabata crusa caminda cada rato y casi e no por a para riba su pianan. Por poco auto a alcans’e. Polis a presenta na sitio pa atende cu accidente.
Na final a detene e hende muhe pa sospecha di stuur auto bou influencia di alcohol y pa ta betra riba caminda publico. Den un transporte policial a transport’e pa ward’i polis caminda a present’e dilanti di un subfiscal kende lo dicidi sea riba su encarcelacion of libertad.
Despues cu polis a atende cu e homber, el a coy un taxi bay direccion di su hotel. Awo, nan vakantie lo bira menos atractivo mirando cu nan tin cu bay cubri e gasto di e auto y e hende muhe lo keda por lo menos seis pa ocho ora tras di trali.
