Diahuebs atardi a pidi presencia di polis na Departamento di Impuesto (DIMP) pa atende cu un homber cu a perde pasenshi y respet pa un dama cu na e momento ey tabata den fila para pa ricibi servicio di e departamento en cuestion.
Informacion cu a ricibi tabata, cu e homber aki no kier a warda mas den rij pa nan atende cu ne y a “flip” y agredi e dama cu tabata su dilanti sperando su turno. Mesora a tuma contacto cu polis pa presenta na sitio.
Un rato despues a detene e persona y a transport’e pa ward’i polis. No ta conoci e motibo di su acto, pero un cos ta sigur, esaki tabata un acto di cobardia contra un dama y no ta acepta esaki.