E resultado cu Cuerpo Policial a manda ta indica cu e Toque de Queda (TDQ) a logra e minimo di detencion den e mas cu 20 dianan cu tin e medida imponi desde dia 21 di maart ultimo.
Vocero di Polis a informa cu riba diabierna pa diasabra a detene cinco (5) persona, mientras cu den e parti di shelter in place durante dia tabatin un detencion. Tabata trata di un persona cu tabata sinta banda di lama, disfrutando di e bista y relahando su mes. Sinembargo Polis a yega y detene. “Mi no tabata haci nada malo, djis disfruta un rato di e trankilidad,” e tabata splica e polisnan na momento cu tabata pone den boei.
![](https://24ora.com/wp-content/uploads/2020/04/TDQ10.jpeg)
E cinco detencionnan tabata esun di mas abou den tur e anochinan di TDQ.
Loke tabata remarcabel den e detencionnan tabata e dos hobennan kendenan aparentemente no tabata consciente di e boet halto cu ta colga riba nan cabes ya cu ora cu 9’or di anochi a bati, ainda nan tabata riba caya.
Pa loke ta shelter in place mes, esaki a bay hopi trankil.