Tabata diabierna siman pasa, dia 10 di december, cu recherchenan a detene un homber, cu ta biba den cas di minister-president na Sero Blanco. Ta sospecha e homber di tin di haber den e caso di bringamento y cortamento den Azia Restaurant algun siman pasa. Den esey e yiu homber di minister-president, Kevin Wever, tambe ta meti. Aunke Wever ta purba pasa pa victima, testigonan ta insisti cu e por ta un sospechoso tambe.
Esun cu recherche a detene ta Yowalfre Torres-Mendez, naci dia 18 di november 2000 na Republica Dominicana, pues a caba di cumpli 21 aña di edad. E ta pareha di e yiu muhe di minister-president, esta Claudine Wever. Pa un bon tempo caba e ta biba cu e yiu muhe den cas di minister-president na Sero Blanco.
Ta acusa e hoben aki di tabatin di haber cu e bringamento y cortamento den Azia Restaurant reciemtemente. A detene e sospechoso diabierna dia 10 di december y a lag’e liber te diaranson dia 15 di december ultimo. Como tal, a want’e cinco dia cera den cel di ward’i polis pa investigacion. Pa e relato completo, lesa e edicion di TREMPAN di awe.
