Recientemente e studiantenan di klas-2019 a forma parti di e curso di Stress Kleine Groepsoptreden (SKGO). Esaki den cuadro di nan estudio policial nan mester a pasa den un ehercicio pisa con pa atende cu stress den diferente situacion.
Despues di cuater aña di estudio policial e ta un di e ehercicionan cu nan mester pasa den dje prome cu nan finalisa nan estudio. E SKGO-training ta uno di suma importancia pa e coleganan. Durante e curso aki nos polisnan a haya un parti hopi importante pa cu e desaroyo profesional den nan trayectorio. Durante e curso nos agentenan a haya diferente tecnica con pa siña baha e stress, tambe e parti mehora e comunicacion y traha hunto den cooperacion.
E training aki a dura dos siman y tabata duna pa e docentenan di Scol di Polis E.J. Watty Vos. E trainingnan a tuma luga den bon cooperacion cu otro na Marinierskazerne Savaneta.
Na final di e training altocomisario di Polis drs. Ramon Arnhem conhuntamente cu e docentenan di Scol di Polis E.J. Watty Vos, e studiantenan di klas 2021 y Cuerpo di Bombero a yama e studiantenan di klas 2019 un caluroso bonbini despues di a core mas cu 5km y a duna nan un pabien pa finalisa e curso cu exito!
Asina tambe nan a finalisa nan estudio policial cu exito y lo ta bon prepara pa duna servicio riba un calidad halto.
