E conoci di husticia Jesse Larmonie miho conoci como Alaska ta liber atrobe. El a recobra su libertad despues cu el a admiti tur loke el a comete y a paga e pompnan cu el a pasa coy gasolin y bay sin paga.
Contrario riba Facebook cu e ta papia hopi mahos y cu boca grandi, na warda ora a deten’e, e tabata tin ful un otro tono y hasta tabata yora.
A deten’e diabierna merdia unda el a pasa e proceso di interogacion. El a bisa recherche mesora cu e ta dispuesto pa paga y a paga tambe aparentemente. E denuncianan haci ta pa loke el a comete di coy gasolin na mas cu un pomp sin paga y tambe pa e menasanan cu el a expresa ora e ta live riba Facebook. El a bisa cu dia 30 lo mira kico lo pasa. Esey ta un di e menasanan cu el a expresa y doñonan di pomp di gasolin a denuncia esaki.
Finalmente despues di a keda deteni diabierna merdia 12:00pm den Caya Boes Orman, Alaska a drumi un anochi den cel na warda di polis y djey diasabra atardi laat a duna ok pa e bay su cas.
Autoridad ta spera cu Alaska a siña su les y no dal hende abou mas asina. Actonan asina ta castigable. E sa cu su ATM no ta pasa pa falta di fondo y asina mes a haci mesun cos na cuatro diferente pomp di gasolin mas.
Alaska ta culpa tur hende, pero no ta para keto un rato y analisa cu su acto a perhudica cada trahado di pomp cual nan a kita e placa di nan salario.
Ningun dia Alaska a bolbe pa paga pero a sigui haci mesun cos na mas pomp. E ora bo intencionnan ta malo. Esey t’e motibo pakico e pompnan a bati alarma cerca 24ora pa asina alerta e pueblo y evita cu tin mas victima.
Logicamente esaki a cay den mal tera cerca Alaska pero e mag rabia basta e pueblo no bira victima mas na su man.
