Wind Creek Aruba a tene un evento di inauguracion di nan oficina nobo di Human Resources. Despues di algun luna di e trabounan di renobacion, por fin a keda cla, pasobra awo nan tin un luga apto pa atende e empleadonan.
Barbara Bronswinkel, directora di HR Wind Creek Aruba, a expresa con contento nan ta despues di algun luna di construccion, unda a hala di cuater piso bek pa di dos. A renoba completamente e piso pa Human Resources. E departamento aki tin un team dinamico di dies persona y hunto nan ta percura cu e empleado ta para central den tur loke nan ta haci.
Nan ta feliz cu e iniciativa aki, pasobra e ta demostra kico Wind Creek ta para p’e. Segun Bronswinkel, nan ta eynan pa e miembronan di team y pa haci esey nan tabata mester di un luga apto. Oficialmente a inaugura e oficina ya cu e secretario vice-presidente di HR di Wind Creek corporate ta na Aruba y tabata e persona pa haci e apertura.
E ta gradicido na tur cu a yuda haci esaki un realidad. El a indica cu esaki tabata un esfuerso di team desde placa te cu sosten, engineering (ingenieria), general manager, e team di HR. E team aki tabata parti di e oficina aki, e color y diseño. Nan ta feliz cu e oficina aki.
Na momento cu a trece e noticia aki dilanti, e empleadonan di HR a ricibi e noticia aki hopi bon. Esaki ta debi cu e ta un espacio grandi y bunita, apto pa ricibi aplicante y colega en general. Awo por sirbi hende hopi mas miho compara cu anterior, cual no tabata pasa.
Bronswinkel a indica esun cu kier join e team di Wind Creek Aruba, por pasa cerca nan na e di dos piso n’e entrada unda antes tabata Tommy Hilfiger dilanti Sams. Yega eynan y aplica, pasobra tin hende eynan cu ta duna bonbini y asina ey por join n’e team di Wind Creek Aruba.
