E reunion di Formado mr. Evelyn Wever-Croes hunto cu stakeholder a continua y e biaha aki a toca sinta na mesa cu Departamento di Enseñansa. Nan a prepara un documento p’e reunion aki, unda a trata diferente punto, diferente reto cu tin den enseñansa, specialmente e parti di traha integral cu tur stakeholder na mehoracion di enseñansa.
Anne-Marie Proveyer-Groot, director di Departamento di Enseñansa, a splica cu ora a papia di mehoracion di enseñansa nan a referi na diferente punto di atencion. Algun di nan ta recapacitacion di e maestro- y actornan den enseñansa, a papia riba mehoracion di subsidio, digitalisacion, mehoracion di material.
Tambe a papia riba e proyectonan grandi cu nan ta bezig riba dje cu ta scol Arubano Multi Lengual. Un otro proyecto cu a cuminsa riba dje ta e acoplacion di enseñansa di EPB den EPI y na un forma hopi mas al caso pa comunidad. Hunto cu diferente stakeholder, esta mercado laboral, nan kier mehora e contenido di enseñansa y e forma con ta duna les den beroepsonderwijs.
Ta traha cu hopi programa cu ta bin di Hulanda, unda cu a scucha for di mercado laboral riba e parti cu e muchanan a termina nan estudio. Nan a indica cu e muchanan no por loke mester den e mercado laboral. Eynan mes ta importante pa inverti asina por yega na siña nan loke mester y no loke ta necesario den un otro pais.
Pa cobertura mas amplio, lesa e edicion di TREMPAN mañan.