Algun luna pasa Sirilio Rosendo Maduro su cas a kima, lague sin nada. el a scucha hopi promesa haci na dje, pero no a haci nada pa nan te ainda. Maduro hunto cu un amigo a baha e palonan bieu y a piki e cosnan rond.
E dialuna cu cas a kima y recherche a presenta, unda a bisa pa nan pasa diamars. El a haci esey, pero t’e fecha di awe no a haya nada. A yama nan y ta bisa cu nan ta den reunion. A entrega un keho y p’esey ta sinti cu e situacion no por keda manera e ta. Maduro a expresa cu e no por keda na cas di hende y ta cobra onderstand.
E kier un yudansa lihe riba su cas. E ta sigui bisa cu tanto bal tin un recherche aki na Aruba, pasobra nan no ta traha. E ta sinti cu door cu e ta un persona di 60 aña, nan mester respet’e. Loke cu e kier ta haya un yudansa, unda cu si por haya material, e mes hunto cu su yiu y amigonan ta dispuesto di drecha e cas.
Un amigo a bis’e cu aki na Aruba hende ta gaña, pasobra ta core yega pa redo pero no pa yuda. Si el a a haya e yudansa priminti, e cas lo ta cla caba. E mester di tres porta, diesdos bentana y verf pa drecha e cas. Segun Maduro, pa no bin bisa cu el a laga fan cendi of bela cendi cu e cas a pega na candela, pasobra e no ta uza fan ni bela.
Robbie Marsdin a manda hende pa haci un control dicon e cas a pega na candela, pero t’e cu awe e no a haya sa nada. El a expresa cu semper a respeta Marsdin, pero awo nan ta bir’e hopi. El a sigui bisa cu nan mes ta pone cu hende ta bay contra di nan.
