Diadomingo pasa di 8:30 pm polis mobilisando den e area di Paardenbaaistraat a bin topa un homber drumi den su mesun saca patras di e ex-edificio di DOW.
Pa su mesun siguridad, a deten’e y hib’e ward’i polis p’e por sosega su body. Di e forma ey e no por haci ni su mes daño, pero tampoco na ningun otro hende inocente.
Un rato despues, net pabou di Arubus, polis a detene un otro homber mas, pero no ta conoci kico a topa riba dje.
Mester menciona cu polis no tabata tine facil despues di parada. A constata hopi buracheria of di ciudadanonan cu no kier a respeta ordo di polis. Nan ta haya nan den problema cu multa halto innecesario.
