For di dia 7 pa dia 10 di april ultimo,a tuma luga e weganan di Carifta, caminda varios pais den e region a bay participa, entre otro Aruba.
Y tin di bisa cu orguyo cu e hoben atletanan cu a bay representa nos isla a bin cu varios medaya cas. Dialuna mainta, nan a bin fo’i Corsou.
Carolina Merryweather, lider di team a splica cu Aruba Aquatics Federation, cu a consisti di varios ekipo di landa, entre otro ‘artistic swimming’. E tabata un exito total y a bin cu varios medaya den tur categoria. Tambe varios premio overall.
E atletanan di 13 y 15 aña a logra e maximo di premio di oro ‘overall’ pa nan categoria. Nan a landa solo (dos team) y duet. A lastra cu oro den tur, segun Merryweather.
Tambe tabatin esunnan mas chikito di 12 y mas abao, a logra plata cu team, a logra brons den solo y overall cu trofeo di tercer luga.
Den tur rutina Aruba logra un medaya, cual ta algo sumamente importante p’e ekipo. Esaki tabata e prome salida p’esunnan mas chikito, cual ta ilustra un comienso di un ekipo di ‘artistic swimming’ nacional di Aruba.
