Awe mainta Ministerio Publico a laga aresta Benny Sevinger riba sospecho di corupcion pa loke ta trata terenonan di gobierno.
Sinembargo e parlamentario y ex-minister di infrastructura, a laga traha un video, caminda e ta trece varios declaracion dilanti, anticipando su detencion.
Den e video e ta conta cu e kier ta hopi cla cu pueblo di Aruba. El a splica kico ta sosodiendo na e momentonan aki.
Mas di 1 aña y 7 luna pasa, e hendenan aki a drenta su cas cu cacho, un paden y un pafo, batayon di recherche, RST, polis, tur hende a coba, ariba y abao, tur caminda. Despues di eynan no a tende nada mas di e hendenan aki.
E aña aki eleccion ta yegando y hunto cu partido AVP, a dicidi cu kier claridad riba e asunto aki. A bay abogado David Kock y dia 11 di maart a manda un carta pa Ministerio Publico unda cu ta pidi claridad riba henter e asunto aki riba e investigacion. A pidi nan pa duna esaki prome cu dia 25 di maart pasobra Sevinger ta un politico y mester di claridad si e ta bay participa na eleccion y partido AVP kier claridad pa sa si lo participa.
E dossier cu a traha prome cu su detencion, lo bay entrega na Ministerio Publico. E dossier ta mustra con Prome Minister Evelyn Wever-Croes a bende tereno di Waterpark pa 17 miyon dollar y lo entreg’e na nan. E tabata den su oficina y no a bay cu ne. Pa algo e lo ta. E lo papia riba e caso aki prome cu papia cualkier cos cu Sevinger.
Actualmente Aruba ta den eleccion. Sevinger ta deteni y lo bay cu fe den Dios, cu su hende y su famia den su curason, cu lo sali liber di tur esaki.
Su oficina den Rancho ta habri. Tur su hendenan pa yega y duna sosten pasobra e lo sali di esaki y dia 25 di juni awo, pueblo lo sa di vota masalmente pa core cu e abusadonan aki, e dictadornan aki y pa despues bay tambe ‘ruim op de boel’ den Ministerio Publico.
![](https://24ora.com/wp-content/uploads/2021/05/052621bennysevinger.jpeg)
Pa mas detaye lesa matutino Trempan.