De Palm Tours su departamento At Your Service (AYS) a gana e “JetBlue Vacations 2023 Highest Customer Satisfaction Award in the Caribbean”!
E prestigioso premio aki ta un muestra di e dedicacion y servicio excepcional cu e team di AYS ta ofrece. Nan ta focus pa duna tur bishitante e miho experiencia, for di yegada na airport, te na nan despedida.
E team di AYS ta brinda servicio pa tur necesidad cu nos bishitantenan tin mester. Nan ta on call 24/7 pa cada pregunta, pedido y yudansa. E team ta bay di busca restaurant pa turista, te na asisti nan den caso di emergencia. Nan meta ta pa tur e bishitantenan cu tin e servicio aki nan bay bek nan cas stima cu bunita recuerdonan di Aruba. E team di AYS ta un team dinamico y unico, nan ta personanan cu tin curason grandi, cla pa yuda y tur esaki cu un smile riba nan cara.
Masha pabien ta bay pa (riba e foto di robes pa drechi) Milaika Merville, Anique Illidge, Brayan Rincon, Recela Smith y Karen Vrolijk pa nan determinacion continuo di excelencia. Masha danki tambe ta bay pa nan trabou excelente pa haci cu Aruba lider den satisfaccion di cliente den Caribe.
