“Mi a opta pa no manda un relato di prensa na momento cu mi a entrega mi retiro di Accion21, pasobra mi no kier a causa daño na cualkier negociacion pa un coalicion den interes general di nos pais, ni tampoco crea desconfiansa bou di tur e votadonan di Accion21. Pero mirando e reaccion di Sr. Mansur, mi a opta toch pa comparti mi carta di retiro den tur transparencia, pa asina un y tur por compronde e motibonan real pa cual mi a distancia mi mes y lamentablemente no por a keda forma parti mas di e partido. Mi lo tuma e tempo mi dilanti pa dedica na mi yiunan cu pronto lo bay studia, na mi casa y pa atende cu mi salud, pero semper mi lo keda disponibel pa sirbi mi pais di un forma of otro”, asina Daphne Lejuez a laga sa awe mainta.
“Na tur esunnan cu a deposita nan confiansa den mi persona…di curason y humildemente mi ta sumamente agradecido pa boso sosten y kier a enfatisa cu nada a cambia. Sr. Mansur ta keda e prome yama pa drenta Parlamento y si en caso e bandona Parlamento, e next in line lo keda mi persona, no obstante si mi ta den partido of no”, segun Daphne Lejuez a aclaria.
E politico a finalisa bisando cu su decepcion ta uno inmenso y cu no tur ora locual ta blink necesariamente ta oro.
Loading…
Reload document
Open in new tab 
