E compania cu mester a traha cu e incinerator chikito tabata DOW, pero despues a sali afo cu esey no lo ta e caso mas. E informacion cu a bin dilanti ta cu Caribbean Trucking Company (CTC) lo ta e compania encarga cu e incinerator chikito. Pero DOW tabata esun cu a pidi e ‘hindevergunning’ for di aña pasa.
Relaciona cu esaki, Daphne Lejuez, parlamentario independiente a manda un serie di e pregunta pa e minister encarga, esta e prome minister. Lejuez ta puntra con esaki por a tuma luga.
Particularmente si CTC no por a haci e trabou debidamente na Seroe Tijsji tampoco y ta p’esey otro compania mester a cay aden. Pero den nan KvK no ta mustra ningun caminda cu nan ta haci ‘afvalverwerking’.
DOW/CTC
Pa e motibo aki a manda pidi un copia mustrando di unda e compania aki tin e specialisacion pa por haci e trabou. Esey ta loke parlamento kier wak. Pregunta ta keda: dicon no ta DOW mes no ta haci e trabou aki, cu ta busca hende specialisa pa hacie. Mas importante, ta cuanto placa lo mester paga e compania pa haci e trabou aki?
Pa mas informacion lesa TREMPAN.
