Na Museo Arkeologico Nacional Aruba a tuma luga anochi di informacion riba politica y cultura di Caribe. E presentacion aki ta parti di e proyecto di investigacion “Islanders at the Helm.”
Daniella Britt, representante di Proyecto di investigacion “Islanders at the Helm”, a splica cu e charla tabata riba historia di politica den Caribe y con ta adapta n’e cambio di clima riba e seis islanan.
Britt tabata contento con e evento a bay, specialmente di e publico varia cu a presenta. E ta kere cu aki na Aruba tin interes riba topico asina aki. Tambe cu cada dia e topico aki ta birando mas urgente. Fuera di esey, nan a graba e evento pa hacie accesibel online.
Via nan Facebook page nan lo comparti mas informacion como grabacion di e evento. E ta invita tur hende pa busca mas informacion. Hopi biaha cambio di clima ta trata na un manera mundial, pero tin riesgo y efecto specifico cu ta spera riba e seis islanan. E ta algo cu tur hende mester cuminsa pensa y mira ki plan kier tin pa adapta na esey p’e futuro di Aruba.
