Manera ya ta conoci, pa algun dia caba tin diferente manifestacion andando rond di nos isla den e sector di cuido. Asina siman a habri cu e personal di respaldo poniendo trabou abou pa un ora largo pa demostra nan malcontento p’e situacion di recorte di 60 miyon florin den cuido medico. Segun nan a vocifera, nan no ta di acuerdo cu esaki y esaki ta afectando e institucion.
Minister di Salud, Dangui Oduber, a bisa cu el a tuma nota di e protesta cu a tuma luga awe mainta den cual e trahadonan a bisa cu e recorte ta strobando nan operacionnan y el a enfatisa cu, manera ya ta conoci, ta gobierno di Hulanda a manda instrui gobierno di Aruba pa realisa e recorte aki y cu te dia di awe nan ta discutiendo riba esaki ya cu nan no ta di acuerdo cu esaki.
Segun Oduber, nan a splica Hulanda cu ta bira dificil pa corta asina hopi den cuido, specialmente despues di un pandemia, cu ta net momento cu mester inverti den esaki.
Sinembargo, pa loke ta trata Respaldo, Oduber a enfatisa cu netamente e institucion aki tabata un di e dunadonan di cuido cu “mas placa a ricibi e ultimo tres pa cuater añanan”. Asina el a splica cu a keda aumenta esaki teniendo na cuenta tur e problemanan cu tabatin rond di salud mental.
Pa un relato mas amplio lesa edicion di TREMPAN.
