Algun luna pasa Ministerio di Turismo a anuncia cu tin un noticia grandi pa turismo den cuadro di diversificacion. Diadomingo tin inauguracion dje prome vuelo di Birtish Airways cu ta bula dos bes pa siman desde London pa Aruba.
Minister di Turismo Dangui Oduber, a indica cu maneho di Ministerio di Turismo dirigi pa trece 1) turista afluente, turista cu tin un entrada anual riba 150 mil dollar y 2) percura pa haci inversion continuo den producto Aruba, pa mantene e producto di Aruba competitivo. Asina ey tin un gran cantidad di proyecto di mehoracion, di infrastructura, beautification cu ta tumando luga. Tin hopi proyecto cu ta den pleno ehecucion pa mantene e proyecto di Aruba competitivo. Naturalmente, tambe tin e diversificacion di Aruba su turismo cu ta hopi importante.
Ta cumpliendo cu esey si tene cuenta cu cuanto vuelo nobo a logra concretisa den gobernacion di Gabinete Wever-Croes I y II. E ta algo remarcabel e gran cantidad di vuelo nobo añadi pa asina tin conexion nobo y keda diversifica turismo.
Un vuelo sigur cu Ministerio di Turismo ta considera como uno historico ta e anuncio cu ta bay tin e vuelo inaugural diadomingo awo di British Airways. Esaki ta e compania mas renombra di Inglatera. E tin un nomber mundial despues di un periodo largo di negociacion, a logra concretisa e acuerdo entre British Airways y Aruba. Semanal ta bay tin dos vuelo, cuminsando diadomingo. E vuelo ta sali desde London Gatwick.
E mandatario ta considera e logro aki uno grandi, un logro special, un logro historico pa diversifica turismo. Cu e vuelo aki ta habri oportunidad nobo pa Aruba na Europa.
Pa mas lesa TREMPAN.COM.
