Diadomingo anochi banda di 10or a manda Polis pura den direccion di Bubali.
Yamadanan di grito a drenta pa yudansa Policial pasobra un problema familiar a bay full for di man. Ora cu Polis a yega ainda e problema tabata andando. E gritonan y e agresividad tabata presente e momento ey den e cas. Mirando cu tin hende cu no kier a razona, a bay over na detencion.
A detene un dama na e adres na Bubali. E polisnan presente a pidi presencia di nan vehiculo di transporte y asina a bay cu e dama warda di Polis na Shaba. Eynan e lo topa cu un Subfiscal. A base di su declaracion lo evalua kico lo haci cune. E chens ta grandi cu e lo keda warda den cel pa calma.
