For di 2019 pa 2021, un total di 300 dama lo participa den 30 biahe diferente, cu lo ta parti di un expedicion rond mundo, caminda cu nan lo tene un mision cientifico, pa asina explora plastic y toxinanan den nos oceanonan.
Biahe number 4, yama Leg 4, lo ta di Antigua pa Boneiro, despues pa Aruba, cu lo ta di dia 29 di november pa dia 8 di december, unda cu lo haci un analisis riba e plasticnan cu ta flota den nos awanan parti nort di nos isla.
Durante un conferencia di prensa cu a tuma luga den Futura Cafe, Impact Blue Foundation, hunto cu su partnernan, a lansa e participacion di Juliet Carvalhal, directora di Impact Blue Foundation riba e eXXpedition Round the World 2019-2021 voyage y tambe di nan actividad iB-Lab.
Mas di 10 mil dama rond mundo a aplica pa participa den e eXXpeticion y Carvalhal ta un di e 300 damanan cu nan a selecta pa participa.
Kico ta eXXpedition
eXXpedition ta specialisa den biahenan cu botonan di bela, di dama solamente, cu ta enfoca pa pone enfasis riba e impacto devastador di plasticnan di un solo uzo y toxinanan riba nos oceano, ecosistema di nos planera y tambe riba salud di hende cu ta cuminsa cu actividadnan riba tera. Investigacionnan previamente haci pa eXXpedition ta mustra e naturalesa endemico di microplastics dentro di e ambiente global di nos oceano y e impacto potencialmente creciente cu nan tin riba salud humano.
E ta un biahe cientifico di dos aña, cual Carvalhal lo join pa asina studia plastic y toxinanan.
Abordo di e expedicion
Carvalhal lo bula for di Aruba pa Antigua pa asina subi abordo di eXXpedition. E biahe ta parti den 30 leg y den cada leg e 300 damanan por join. Te awor aki nan ta na comienso di e biahe y Carvalhal lo ta participando den leg 4, cu ta sali for di Antigua riba dia 29 di november y despues ta sali pa Boneiro y despues pa Aruba.
eXXpedition lo ta mara den Renaissance Marina pa dia 6 di december.
E ta un “citizens science program” di un duracion di dos aña. E ta enfoca riba e comprondemento riba e “total plastic footprint” di Aruba. E ta basa riba ciencia y e metodo cientifico cual Carvalhal lo siña riba eXXpedition.
