Rond mundo a sali na cla cu e supuesto vacuna no tabata un vacuna sino un experimento genetico cu ta mata. Un di scandalnan mas grandi ta locual cu a pasa na New Zealand. Barry Young e administrado di data na Departamento di Salubridad cu tabata maneha full e asunto di salud di New Zealand a saca informacion na claridad riba e vacuna di Pfizer.
Di e 711 persona cu a tuma e vacuna 152 persona a bin fayece den un periodo relativamente cortico. A detene Young na su cas dia 3 di december 2023, pasobra el a saca informacion di su pais pero di otro banda Young ta bisa cu t’e berdad el a saca na claridad.
Nos sa cu Parlamento di Union Europeo tambe a bisa cu nunca a aproba e vacuna pa uzo humano. Tambe a sali na cla cu 11 mil politico y elite no a tuma e vacuna na New Zealand mientras cu a forsa otro pa tum’e.
Mundialmente 7 miyon persona a fayece pa motibo di e covid of arma biologico y 14 miyon a fayece pa motibo di a tuma e vacuna cu ta un experimento.
Na tur pais e cantidad di hende cu ta fayece a aumenta. Aki na Aruba e no ta excepcion tampoco pasobra nos por mira cu corant ta yen yen cu anuncio di morto. Nos parlamentarionan ta keto y ta haci manera cu nada no ta pasa. Na Hulanda e partido di Omtzigt a pidi un reunion pa debati riba e aumento di hende cu ta muri na Hulanda.
Locual cu e parlamento Hulandes mester haci ta pidi un investigacion y aki na Aruba mester haci mesun cos.
Pentagon a pusha e vacuna riba su soldatnan y awo e doctor ta bisa cu e problema di curason bao di e soladatnan a aumenta cu 900% y bao di pilotonan militar cu 1000% na aña 2022. E informacion aki ta saca for di nan data base.
Na Merca y Union Europeo agencia di seguro ta bisa cu for di dato di nan clientenan di seguro cu mortonan a cay inmediatamente despues di a tuma e vacuna cu ta un aumento di 700% mientras bao di esunnan cu no a tuma e vacuna a keda mesun cos.
Aki na Aruba tambe tin hopi hende forsa pa nan trabao pa tuma e vacuna aki of miho bisa e veneno. Nos por corda cu empleadonan di un compania estatal a paga hende cu a traha cu e vacuna pa haya un comprobante cu nan a vacuna. Investigacion a tuma luga y castigo leve a cay.
Den sector di hotel tambe nan a pusha e empleadonan pa vacuna. Esaki ta e momento pa pone doñonan di trabao responsabel pa bo bida.
World Economic Forum kier p’e gobiernonan rond mundo tuma medida y laga cera esunnan cu a saca e informacionnan na luz di dia. Diferente biaha partido CURPA a bisa cu e plan di Sustainable Development Goals cu nos gobierno a hinca nos aden no ta nada otro sino pa baha e cantidad di nos poblacion. Gobierno a haci’e cu e vacuna Pfizer, e remidanan cu nos grandinan no por paga y pio esunnan sin trabao.
Hopi tristo lo ta si gobierno of e partido na mando a bay di acuerdo cu World Health Organisation pa haci daño na su propio votadornan y henter nos pueblo. Un organisacion cu kier dicta riba tur pais rond mundo ora di un pandemia y kita e poder di e paisnan. Esaki ta trabao cu nos parlamentarionan mester haci y saca e berdad na cla.
Tin hopi caso ta tumando luga Internacionalmente contra di e fabricanan di vacuna y aki na Aruba tur hende ta keto. Acaso salud di nos pueblo no ta importante? Kico tin tras di tur e vacunagate aki? Dios su bengansa lo baha riba esnan di mala fe cu a haci daño riba salud di nos pueblo. Partido CURPA t’e unico alternativa.
