Boo Basement ta un evento familiar cu tin di haber cu Halloween. E ta cuminsa diasabra, esta 22 di october for di 6:00 pa 11:00 pm, te cu dia 30 di october, e evento lo ta. Entrada ta completamente gratis p’e muchanan te cu 12 aña.
P’esunnan di 12 aña bay ariba, ta paga solamente 15 florin p’e prome parti di Boo Basement. E Boo Basement tin cuater seccion. Ta importante si bo ta gosa di Halloween y tin full e experiencia, por paga 25 florin pa pasa den e diferente obstaculonan cu tin na Aruba Entertainment Center.
E IDEA
Tin hopi cos pa mucha cu no ta haci continuamente na Aruba y door di dos aña, debi n’e pandemia cu a stroba tur cos, a dicidi pa bin cu tur actividad cu por tin posibel p’asina por trece bek n’e comunidad di Aruba, en especial p’e muchanan, Enflato y Boom Basement ta percura pa tur cos cu mucha y evento familiar. P’esey a bin cu e evento aki di Boo Basement.
TUR COS TA CLA
E artistanan ta cla pa duna e spanto, e grito, e spookyness, tur cu tin na Boo Basement na Aruba Entertainment Center na Dakota.
Ta gradici Brian Webb, cu a diseña henter e concepto di Boo Basement. Tambe ta gradici Van Kaesel Construction cu a percura pa haci esaki un tremendo evento. SK tambe lo percura pa tur e photoboothnan pa saca potret. Tambe lo lansa ‘Eye Candy’, un tienda completamente nobo cu tur diferente mangel cu por spera na Entertainment Center, p’e Trick and Treat Section.
Danki tambe ta bay na Disney Recreation cu ta haci tur esaki espectacular. Lo bay tin demasiado actividad p’e muchanan. Lo tin pintamento di cara, tambe comemento di popcorn y cotton candy, y tambe lo tin entre otro spinnewiel. Tambe lo tin pintamento, seccion cu maze pa mucha, etc. P’e mayornan tambe tin roulette y di tur un poco. E evento ta pa un y tur. Ta invita pueblo di Aruba en general pa bin na Aruba Entertainment Center, dia 22 di october, diasabra, te cu dia 30 di october diadomingo, fo’i 6:00 te cu 11:00 pm, pa gosa di un tremendo evento familiar, cu t’e Best Halloween Haunted House, cu yama Boo Basement.
