Diamars atardi alrededor di 5:45 pm a sosode un accidente riba e caminda di Jaburibari, pa ta exacto, net dilanti di Tesco Supermarket. E vehiculonan envolvi tabata un truck di carga y un auto marca Honda modelo Stream.
Ken tabata bin for di cua banda, no ta conoci. Daño material tabata basta. Debi n’e impacto fuerte, un persona a resulta herida.
Den e baki di e truck tabatin basta cuminda di porco, pa cual tabatin un holo basta fuerte na sitio. Polis di trafico a presenta pa registra e accidente aki.
