E keintura p’e concierto di Romeo Santos ta continua na Aruba y diahuebs anochi, nos a duna un bonbini na e cuater ganadonan cu a bin for di Corsou y Boneiro pa experencia e concierto “La Gira” di e artista grandi aki.
Nan a ricibi nan estadia, nan transporte, nan entrada VIP p’e concierto cu nan a gana.
E ganadonan a participa den e campaña cu a tuma luga riba Facebook. Nan mester a djis follow 24ora.com riba nan pagina y nan a gana nan premio.
Dos di e ganadonan a bin di Corsou y nan ta fanatico fiel di 24ora.com y semper ta sigui e noticianan di Aruba. Manera cu nan a nota e campaña di Romeo Santos mesora a follow e noticia y a bira feliz ganado di e entrada VIP.
Fo’i Boneiro tambe e ganadonan cu a yega Aruba a comenta di ta masha contento cu a gana nan premio pa bin mira Romeo Santos en bibo cu nan estadia, transporte, entrada cubri.
Sigur nos ta yama e ganadonan un bonbini na Aruba. Nos ta sigur nan lo disfruta grandemente di e concierto aki. Y tambe un danki ta bay na nan cu a sigui 24ora.com demostrando asina cu Nos ta e Prome den Noticia.
