Riba dia mundial di cancer, dia 4 di februari 2023, e Sunrise Walk lo ta organisa p’e pueblo di Aruba. Participacion ta completamente gratis.
E caminata lo ta organisa pa un bunita colaboracion entre cuater fundacion. Esaki ta pa prome biaha den historia di Aruba caminda KWF- Mary Joan foundation- Fundacion Contra Cancer di Prostaat y Stichting BOB Aruba ta uni pa conscientisa, motiva y informa pueblo tocante e importancia di prevencion y deteccion na tempo.
Colaboracion ta sumamente importante y e fundacionnan ta desea di continua pone enfoce riba esaki.
E Sunrise Walk ta un caminata di 3.5 KM, un ruta facil pa henter famia. E meeting point lo ta na Bushiribana gold mill ruins. Ta pidi tur hende cu kier participa pa t’ey presente 6:15 AM.
Caminata lo cuminsa start 6:30 AM, lo tin un halfway break cu waterstation pa refill awa. Ta pidi tur participante por fabor trece nan boter di awa pa refill y pa cuida nos medio ambiente.
Ban para un rato keto riba e dia aki cu ta dia mundial di cancer. Ban cana hunto y motiva y apoya otro. Uni nos tur ta mas fuerte.
Door cu dia mundial di cancer ta simbolisa cu e color lila, lo por bin bisti n’e color aki. Esaki no ta mandatorio. Pa participa n’e caminata no tin cu registra ni tampoco cumpra ticket.
Si ta desea di haci un donacion, esaki ta posibel. Lo tin un donation box presente n’e caminata. E fondonan genera e dia aki lo bay haci mas proyecto di colaboracion entre e 4 fundacionnan posibel y asina yuda nos continua conscientisa mas riba prevencion. Locual cu ta sumamente necesario p’e generacion presente y tambe pa nos futuro generacion.
Banda di e Sunrise caminata y e programanan di tur dia, e fundacionan: KWF- Mary Joan foundation- Fundacion Contra Cancer di Prostaat y Stichting BOB Aruba tin un serie informativo di podcast yama: “Mi no a scoge pe”. Den cada edicion di e serie di postcast aki nos lo combersa cu diferente dokter di cas – specialista y testimonio. Cada luna nos ta intercambia otro topico relaciona cu cancer y lo duna tips tocante locual cada persona mes tambe lo por haci na cas. Tur esaki den relacion cu prevencion.
E fundacionnan kier gradici pueblo di Aruba p’e sosten na cada un di e cuater fundacionan aki, sponsor, partner y tambe prensa cu semper ta yuda comparti e informacion na pueblo di Aruba.
Follow e fundacionnan riba nan pagina di Facebook y Instagram pa keda bon informa.
Ta desea di invita henter e pueblo di Aruba pa join e Sunrise Walk diasabra mainta dia 4 di februari 2023.
