Diaranson cuater fundacion a bin hunto den un conferencia di prensa, pa informa pueblo di e concepto nobo cu nan ta bin cu ne.
Ta trata di e Mary Joan Foundation, Stichting Bob Aruba, Wilhelmina Kanker Fonds y Fundacion Contra Cancer di Prostaat.
E concepto nobo aki ta encera un serie di cinco charla titula: “Nos t’ey pa bo”. Cada charla lo tuma luga den diferente bario.
Nan (e cinco fundacionnan) ta activo awe y nan ta uni pa conscientisa comunidad. No solamente tocante di nan servicionan individual pero tambe pa den union nan por t’ey un pa otro.
BOB Aruba ta traha hunto pa den e forma aki por continua duna informacion, conscientisacion y hermentnan cu por aplica na cas. E cuater fundacionan aki ta enfoca diariamente riba prevencion.
Pueblo di Aruba ta cordialmente invita pa bin scucha cual ta e servicionan cu tin pa bo persona of pa un familiar of un amistad.
E charlanan: “ Nos t’ey pa bo” ta gratis y no mester registra. Si nos ta pidi pa tur hende yega na tempo. Porta ta habri 6:30 pm y nos ta cuminsa 7:00pm.
E agenda ta lo siguiente:
20 september 2023 na Teresita Center San Nicolas
18 oktober 2023 – na MFA Santa Cruz
22 november 2023 – na MFA Paradera
21 februari 2024 – na MFA Noord
20 maart 2024 – den bario di Dakota
Keda pendiente pa sa mas tocante e ubicacion exacto di e charlanan.
Cada charla lo finalisa cu un bunita testimonio y nos lo culmina e anochi cu un sorpresa chikito.
Nos ta invita pueblo di Aruba pa join un di e charlanan aki, kisas esun mas cerca di bo cas.
Sin lubida nos kier urgi nos hendenan pa nan traha nan cita pa e checkeonan
