P.O.H. manera ta conoci pa e ultimo añanan caba ta para pa “PraktijkOndersteuner Huisartsenzorg”. P.O.H. ta e dunado di cuido cu ta traha conhuntamente cu e dokter di cas dunando sosten pa locual ta control di e pashentnan cu enfermedad cronico. Entre otro problema di sucu (diabetis) y problema cardiovascular.
Manera pueblo di Aruba sa, un P.O.H. ta traha bou di e responsabilidad di e dokter di cas.
E meta y obhetivo principal di un P.O.H. ta
· personalisa cuido y dedica mas tempo na cada pashent brindando miho servicio.
· Mehora control riba enfermedad cronico
· Educa pashent con pa tin control di su enfermedad door di biba un bida mas saludabel
· Preveni complicacionan manera stroke, pia diabetico y daño na rinon.
Nos meta ta pa duna cuido optimal pa asina mehora calidad di bida. POH ta tene nan nivel hopi halto door di participa y asisti na diferente congreso, symposium y bijscholing cu ta wordo duna. E POH-nan tin un bon relacion di trabou cu e compania SERVIER cu ta duna diferente charla y educacion riba e parti medicina y e tereno medico basa den nos ramo cu ta e parti diabetes y problemanan cardiovascular. Durante e ultimo 4 añanan Servier tabata tin hopi contacto y a duna diferente charla / nascholing na e P.O.H.-nan y a realisa e importancia y e rol di un P.O.H. den e practica di un dokter di cas. E gran ayudo cu e P.O.H.-nan ta pa cu e dokter di cas pero tambe e dedicacion y pasenshi di nan trabou cerca e pashentnan. Ta di aprecia y elogia nan pa nan bunita trabou.
P’esey e aña aki atrobe SERVIER ta invita 4 POH pa asisti na nan congreso internacional cu ta hiba e nomber SERVIER University “Evento Cientifico” cu ta un congreso di 2 dia largo cu un programa educativo cu diferente orador (sprekers) internacional y tambe lo tin diferente workshop cu specialista local. Servier ta apoya y sostene esaki completamente. E congreso lo tuma luga 11 y 12 di maart 2022 venidero na Panama. E temanan lo ta entre otro Diabetes y problemanan cardiovascular. E gran oportunidad aki tambe ta engrandece e desaroyo di nos POH-nan. No por keda sin menciona cu e congreso aki tin acreditacion y ta afilia na Servier University. Na regreso bek e P.O.H.-nan cu a asisti na e evento aki lo trese nan experiencia y tur loke nan a siña na e resto di e grupo. Asina tur P.O.H. ta keda na altura di e ultimo desaroyonan.
Alaves e P.O.H.-nan conhuntamente cu Wit Gele Kruis kier a jama Servier danki pa e invitacion y e oportunidad brinda.