Diabierna anochi a sosode un accidente di auto na e T-Weg na Boegoeroei. Esaki tabata net banda di e supermercado chines dilanti Compleho Deportivo Frans Figaroa.
Un total di cuater auto tabata envolvi. Un auto a dal den e trafico di direccion contrario, sigui bay dal e di dos auto tambe di direccion contrario semi frontal.
Tambe tabata tin un Kia Sportage envolvi. Total cuater auto. Den e autonan tabata tin diferente ocupante cu a keda herida. Hasta a mira cu tin mucha cu a keda herida.
Polis a ser e caminda na diferente crusada pa desvia e trafico. Mester a usa takelwagen pa move diferente auto for di caminda. Dos ambulance a presenta pa atende cu esnan herida.