Diaranson nos lo cuminsa cu e temporada bunita di cuaresma. Un temporada cu ta yena nos curason di speransa, specialmente pa interiorisa nos mes, segun Pastoor Andry Soto di iglesia Cristo Rey na Brazil.
E ta un temporada cu awo nos lo drenta, pa nos reflexiona riba nos mes y e deseo di cambia y ta un miho hende y un miho ciudadano.
Tur parokia tin un programa special pa nos prepara nos mes miho den e cuarenta dianan aki.
CUARESMA
Cuaresma ta nifica cuarenta dia di preparacion p’e morto y resureccion di Hesus. Nos sa cu Hesus hasta a pasa 40 dia den desierto como un preparacion. For di eynan ta bin e palabra cuaresma, cu ta nifica cuarenta dia, unda cu e fiel cristian catolico ta prepara su mes na diferente manera.
Manera ayuno, oracion, ta duna hende pober limosna. E fiel ta prepara su mes na e miho manera p’e morto y resureccion di Hesus.
Pastoor Andry a indica cu e temporada ta cuminsa riba Diaranson di Shinishi te cu Diadomingo di Rama, unda cu ta cuminsa cu e siman santo. Ta sigui despues cu diferente triduo pascual cu lo yega despues. E ta yega t’e n’e fecha di resureccion.
Awo cu ta cuminsa cu Diaranson di Shinishi, cu ta un tradicion basta bieu. Hasta den tempo di Hesus, hende tabata basha shinishi riba cabes, como un señal di penitencia. E ta algo di historia, segun Pastoor. Despues Iglesia di un manera unda cu e fielnan a prepara esaki miho, preparando p’e 40 dianan prome cu e siman santo.
Pa mas detaye lesa TREMPAN.
