Criollo Reds ta un ekipo di softball cu ya tin mas cu 20 aña di existencia y ta bon conoci entre e teamnan di softball na Aruba. Y awo nan a batisa nan uniform, tanto pa e ekipo di hoben como pa esunnan di 40+, hecho cu a sosode diabierna ultimo.
Robert Koolman, manager di e team, a conta cu actualmente nan tin dos team. Antes nan tabatin Criollo Reds so pa e hobennan. Despues di 10 aña el a bira team 40. Aña pasa Criollo Reds a lanta cabes atrobe y awor aki nan ta conta cu dos team, e team di hoben y esunnan di 40+
Actualmente Criollo Reds ta organisado di un torneo di liga 40 desde dia 25 di juli. Siman pasa no tabatin debi na un torneo di baseball y lo continua diadomingo awo te dia 3 di october. E ekipo di 40+ lo estrena e uniform nobo diadomingo awo pa prome biaha, Koolman ta conta.
Criollo Reds no tin sponsor. Tur hende a paga pa nan uniform pa asina nan yega asina leu di batisa esaki.
A pesar di e situacion di COVID, Criollo Reds ta keda draai y awo mas cu nunca, mirando cu nan a bira oficial cu e permisonan necesario. Awo amantenan di softball tin cu keda pendiente pa mas informacion riba e torneo aki cu lo dura te cu dia 3 di october proximo.
