Tras e conferencia di prensa ofrece diahuebs door di mama, ambulance y pediatra den caso di morto di baby Noah, e creche tambe a opta pa trece nan angulo dilanti na publico.
Neiffi Kock, dirigente di e creche Pasa Dushi Pasa Pret a yama un conferencia di prensa diabierna atardi cu a keda transmiti en bibo. Durante mas cu 25 minuut y compaña pa algun colega y mayornan cu ta sosten’e, Kock a relata e echonan previo na e fecha di 24 di maart, riba e dia ey cu e baby a fayece y tambe te cu awo.
Mescos cu e conferencia di prensa di diahuebs, no tabatin oportunidad di haci pregunta y ambos transmision a conta cu un audiencia halto di parti di comunidad expresando nan opinionnan den tur sentido.
E dirigente di e creche a papia di e capacitacion continuo cu e y su personal ta pasa aden den tereno di prome auxilio; tambe a papia di reglanan cu ta vigente na e creche y a mustra prueba cu ta respalda e detayenan, en particular di ora, cu el a duna tocante con cosnan a cana. Na Kock el a expresa cu no por haci nada contra destino y decision di Dios.
![](https://24ora.com/wp-content/uploads/2022/06/IMG_4446-scaled.jpg)
![](https://24ora.com/wp-content/uploads/2022/06/Screen-Shot-2022-06-17-at-6.36.12-PM.png)