Diarason atardi na altura di BSL Laundry a sosode un caso di destruccion. Un pareha a hala otro cu sla formal pasobra e homber ta pone cacho pa e dama. Den esey e muhe a kibra e homber su glas di auto parti patras y problema a bira mas pio. E homber rabia a cuminsa agredi e muhe y un mucha homber eybanda cu a wak tur cos a bay interveni den e pelea.
E kier a yuda e dama pa evita cu e ta haya mas golpi. Esey a sali di malo pe. E homber cu tabata bati su muhe a lubida kico e tabata haciendo. El a bay pa e auto di esun cu a strobe di bati su frei. A destrui e windshield di su Alteza color cora. A notifica polis y polis a yega y a detene e homber cu a destriui e glas di e otro cu a purba interveni den e agresion di pareha.
E dama mes a huy despues di kibra e backshield di e auto di su homber. Polis ta buske pa destruccion. Su homber si a keda y Polis a detene pa e destruccion riba e windshield. Polis forenstico a ser avisa pa presenta y coy e evidencianan. A confisca e auto di e destructor cu pa colmo tambe a ser destrui pa e muhe jaloers y rabia.
