Diamars mainta un caso tristo a sosode riba Sasakiweg cu awe ta Avenida Nelson Orlando Oduber. Un trahado contratista di Elmar a fayece.
Nan tin contracto cu Elmar pa corta e matanan cu ta cerca di wayanan di coriente entre otro. Algo a bay robes y coriente a dal e trahado mortalmente. El a cay riba caminda y a bati alarma. Polisnan cu a yega a cuminsa reanima. Dos ambulance tambe a yega y paramediconan a tuma over.
Polisnan a cera e caminda cu ta conduci pa e area di e incidente. Finalmente no por a haci mucho pa e trahado y el a fayece na e sitio mes.
Trabounan cerca di wayanan di coriente ta hopi peligroso. E trabou di corta mata cerca di wayanan di voltahe halto ta motibo di extra atencion. Gerencia di Elmar y e compania di e contratista a ser avisa mesora di e incidente. A haci un investigacion tambe. Paz na su restonan y hopi forsa na e famia.
E victima ta Patrick Thode.
