Tabata algun minuut despues di 12:30 am riba dialuna marduga ora cu un patruya di polis a topa tres motociclista ta hop su dilanti y coriendo den un forma hopi iresponsabel. Mesora a cende zwaailicht y activa sirena nan tras. Claro, estilo pelicula e motociclistanan a split pa polis y a tuma diferente ruta.
A perde nan for di bista, pero un rato despues a logra para un di nan riba Santa Helenastraat, dilanti di Xavier University. El a bisa polis cu; e no a ripara cu nan a dun’e señal pa para. Claro, e momento ey e tabata su so y a coopera bon cu polis.
El a hasta papia riba su propio amigonan, bisa polis ken e otro dosnan ta y unda nan ta biba. Basa riba su informacion, polis a logra bay den e compleho di Bushiri y gara e otro amigo tambe. Na final, dos di e tresnan a keda na pia, takelwagen a hiba e brommernan pa warda di polis.
