Diasabra marduga alrededor di 1:05 am polis a duna un auto señal pa para pero sin resultado. E auto marca Nissan modelo Tiida numera A-67961 a purba hunga cu polis pero no a logra.
Luz paga el a core pa polis for di Ranchostraat sigui den John G. Emanstraat, subi Caya Betico Croes, drenta Dakota y termina net pabou di My Computer unda el a drenta un cura di cas.
Mesora e agentenan a sali su tras y mand’e suela, sinembargo el a resisti su detencion formalmente. Uzando forsa bruto a logra deten’e mesora. E auto mes a keda staciona den un cura di cas mientras a transporta e chauffeur pa ward’i polis den un transporte policial. Na warda di polis un ambulance a presenta pa atende cu e detenido mirando el a resulta herida tambe.
