Contratistanan ta cansa y ta preocupa, pasobra Departamento di Impuesto ta pone beslag riba salario di e trahadonan y pa Tony Geerman, kende ta presidente di Contratistanan Chikito di Aruba (CCA), esey ta di mas.
Pa e motibo aki mes e trahadonan ta parando duro cu e intimidacionnan aki mester caba, den forma di un manifestacion dilanti di DOW. “E trahadonan aki no solamente ta cara di DOW, sino di pais Aruba tambe.”
Tin cu para keto con e pais aki o ta sin no tin e trahadonan aki cu ta haci na banda di caminda limpi. No solamente pa e placa, pero ta stima nan pais.
Sin previo aviso, belasting ta pone beslag riba salario di e trahadonan. Esaki ta un dictadura den un pais cu ta conoci pa ta democratico. Hopi di nan tin areglo di pago na belasting, pero asina mes nan ta confisca nan salario.
Pero no sin previo aviso ta pone beslag riba nan salario. Mayoria di loke nan gana ta bay bek na belasting. E mayor entrada di u pais ta door di belasting. Pero no abusa di e trahadonan.
Nos ta biba den un estado di derecho pa manifesta mal contento, segun Geerman. Kier tur cos firma pa soluciona e problema aki.
Tin abogado caba cu ta canando caminda di e trahadonan.
Despues di un rato, Marlon Croes, director di DOW a bin atende cu e grupo, caminda cu Tony Geerman a entrega un manifiesto y alabes a invita Geerman. E ta pidi pa pone un reunion pa asina avisa e trahadonan kico por pasa.
Na su turno Croes a invita Geerman pa pasa paden pa asina atende riba e situacion aki.
Pa loke ta e manifiesto, ta trata aki di dies punto cu ta mustra kico ta e dolor pa e contratistanan chikito.
E carta ta menciona entre otro cu e manifiesto aki ta como un protesta di e abusonan cu DOW a bin ta cometiendo pa varios aña, irespeto e condicion di e contracto, aplicando cambio sin aviso ni consentimento di contratistanan y cu nunca a haya atencion na ningun reclamo haci durante e ultimo 5 añanan.
Riba e puntonan aki, CCA ta duna DOW un luna di tempo pa resolve cada punto prome cu dia 28 di juni proximo.
Pa mas detaye lesa matutino TREMPAN.
