Consul Portugues situa na Caracas ta di bishita pa haci un permanencia consular. Nan a bin atende cu e comunidad Portugues cu ta residencia aki na Aruba.
Dr. Licinio Bingre do Amaral, consul general di Portugal na Caracas, a bisa cu ta trata di mas o menos 1.000 persona cu tin nacionalidad Portugues cu a bin di Portugal pa Aruba of Venezuela. Desde aña pasa e consulado Portugues no a bin Aruba, esta na momento cu e pandemia a cuminsa. Nan ta bin constantemente, pero e problema cu tin ta e yegada ya cu esaki ta mas complica.
Esaki ta bin pa motibo cu no tin vuelo directo y tin di bay via Panama. El a sigui bisa cu no tin vuelo pa Corsou, pero dos bes pa siman tin vuelo pa Aruba. Tur esey ta un tiki mas complica y p’esey ta purba bin dos bes pa aña. Den e bishita aki loke nan ta haci ta yuda nan cu documento di identidad, paspoort y carta di ciudadano. Tambe nan ta acepta e registro di matrimonio, partida di nacemento y yuda esunnan cu tin tramitenan pa haci entre otro pasamento di un herencia p’un familiar y otro cosnan similar.
Pa mas informacion lesa e corant digital TREMPAN.
