Varios luna pasa fraccion di MAS hunto cu drs. Mervin Wyatt –Ras di e fraccion di AVP a pidi un reunion publico cu Minister Glenbert Croes.
Tin hopi keho riba situacionnan iregular cu ta tuma luga den e cartera di Minister Glenbert Croes, unda cu hendenan cu ta conseha Gobierno ta e mesun hendenan cu ta envolvi den e proyectonan.
Contrario n’e peticion pa un reunion publico, a dicidi di bin den un encuentro publico. Drs. Marisol Tromp, lider di fraccion di MAS, a cuminsa na bisa cu nan a pidi un reunion publico, caminda cu lo tabata tin e oportunidad pa debati, haci pregunta of presenta un mocion. El a sigui bisa cu esey ta e modus operandi di Gobierno ultimamente.
MAS a trece dilanti e kehonan cu ta bin dilanti di e proceduranan di DIMAS, falta di transparencia, hendenan cu ta warda largo riba nan papelnan. Tambe e desaroyo riba e procedura cu ta toca labor. Tromp a puntra e minister kico ta su vision di e ‘carrying capacity’ di Aruba, mirando e diferente hotelnan cu ta den construccion. Asina Gobierno a anuncia.
Tin hopi hende cu ta buscando trabou cu nan papelnan ta pega y cu e procesonan no ta cana. Algun tempo atras, Minister Glenbert Croes, a splica cu e mes kier firma tur documento den DIMAS y cu e no ta duna niun otro hende e poder aki, cu a resulta den e proceso di schorsing di e director di DIMAS.
Tambe tin hopi keho di situacion di friends & family, unda cu tin conflicto di interes caminda cu hendenan yega na Bureau di Minister, cu ta suppose di yuda Gobierno door di duna conseho, di otro banda nan mes ta envolvi den cierto proyectonan y cu tambe ta haci peticion n’e minister,unda cu nan ta yuda esunnan cu ta bezig cu e proyectonan aki. Un conflicto di interes y no ta prome biaha cu ta trece esaki dilanti den e cartera di Minister Glenbert Croes.
Pa mas lesa TREMPAN.
