Desde cu e pandemia a cuminsa, e barco Freewinds ta hancra den waf di Aruba. Pero pa duna bek na comunidad, nan a ofrece pa spuit departamentonan gubernamental, scol, centronan recreativo y hopi mas. Tambe nan a parti bukinan di prevencion gratis.
Aparte di tur esaki, nan a traha diferente video di conscientisacion. E videonan aki ta splica kico ta virus y bacteria, pero tambe kico tur tin cu haci pa proteha bo mes. Boluntarionan di Freewinds a traha e videonan na diferente idioma. Aki nos ta ilustra e video di con pa proteha bo cas na Ingles, Hulandes y Spaño.
