E cantante, artista Lislaine Bermudez, conoci como AVALI, a lansa un cantica nobo. E cantica ta na Papiamento, cual titulo ta “Ami Cu Bo So.” Diabierna el a lansa video clip riba YouTube, https://www.youtube.com/watch?v=d5DLWLhjijs.
“Ami Cu Bo So” ta un cantica romantico di e genero R&B. Pa dos aña AVALI a tuma un tempo, pero a regresa cu e cantica aki. “Ami Cu Bo So” ta composita pa AVALi, produci pa Hubert Thiel y e parti di mixing y mastering tabata den man di Jralph music.
El a pone su curason den e cantica aki. Pa AVALI e cantica aki ta refleha e profundidad y beyesa di ta den un relacion di plaso largo.
Cu e cantica aki e ta conmemora su biahe bunita cu su pareha. Riba YouTube el a expresa pakico e cantica aki ta importante p’e. “This song is a heartfelt dedication to the love and memories we’ve shared. I hope you enjoy it and feel the love that inspired every word and note.” (E cantica aki ta un dedicacion sincero na amor y e recuerdonan cu nos a comparti. Mi ta spera bo disfrut’e y sinti e amor cu cada palabra y nota ta inspira.)
