Durante un ceremonia Militar cortico, “Compagnie in de West Rotacion 43” a traspasa su tareanan na e siguiente unidad, Rotacion 44. E Comandante nobo capitan Siebe a reemplasa su antecesor capitan Hans, durante un traspaso tradicional asina yama ‘peddeloverdracht.’ Rotacion 44 ta keda cuater luna den Region Caribe Hulandes.
E trupanan aki cu e nomber ‘Charlie “Tijger” Compagnie’ no ta uno desconoci den region. Na 2015, 2018 y 2020 tambe nan tabata e trupanan di Ehercito den Region Caribe Hulandes. Durante e periodonan aki e “Tijgers” diferente biaha a duna sosten na autoridadnan local, entre otro den e buskedanan di e personanan perdi y apoya durante e pandemia di Corona.
Capitan Hans ta wak bek riba un periodo special: “Como unidad nos tabatin un tempo fantastico akinan, durante cua nos por a haci hopi ehercicio. Cu un Compagnie relativamente nobo nos tabata por a trein te yega na nivel di peloton y nos tabata prepara pa eventual despliegue durante e temporada di horcan. Nos tabata por a haci e loke nos a bini p’e y nos a sinti nos masha bonbini riba e islanan den Region Caribe Hulandes.”
Capitan Siebe ta anticipa di por train cu su hendenan den Region Caribe: “Nos ta honra di un biaha mas por duna nos contribucion na Corsou, y posiblemente resto di Region Caribe. Si en caso un apelacion keda haci na nos, nos ta para cla pa yuda caminda ta necesario y lo tin placer den traha hunto cu e socionan local. Nos tin hopi hende join cerca nos cu lo permanece riba e isla pa di prome biaha.
Tambe nos ta anticipa, un periodo special durante cua nos, ademas di ta para cla pa eventual sosten, nos lo reta nos mes riba tereno di training den e circunstancianan extraordinario cu Region Caribe Hulandes ta brinda nos.”
“Compagnie in de West (CidW)” ta e unidad permanente di Ehercito Real den Region Caribe Hulandes, cu por keda desplega pa un variedad di tarea. E cuater lunanan binidero Compagnie ta train tanto na Aruba, Bonaire como Corsou. Compagnie “Charlie “Tijger” normalmente ta ubica na Schaarsbergen, na Hulanda. Un unidad di infanteria consistiendo di diferente experticio militar, manera por ehempel, e genionan, informacion y e franco tiradonan.
