Diahuebs anochi a toca na Commandant Generaal Abraham de Veer School pa a entrega e resultadonan di e examen. Un momento di hopi tension memey di e studiantenan.
Jane Bueno – Hooft a cuminsa bisa, mescos cu tur e otro añanan, e scol tabatin su retonan cu ne. Pero a lucha duro pa nan por a surpasa tur esakinan.
Un total di 77 alumno a bay examen, di cual 79% di nan a slaag den loke ta conoci como tijdvak I. Tin varios alumno cu lo mester haci nan her-examen. Esaki ta nifica cu e porcentahe lo bay subi mas ainda.
Cada aña diferente scol ta scoge nan tema con nan lo presenta e resultado di e examen na e alumnonan. E aña aki e team di e scol a laga e alumnonan mes scoge e tema y e cancion pa toca na momento cu nan ta wordo yama. Y e tema cu nan a scoge ta Motivating the Visionaries, conoci como MTV.
Bueno-Hooft a bisa di ta admira e pasion cu cual e docentenan bringa y apoya, motiva e studiantenan pa por siña y traha riba nan futuro.
Un mensahe na e studianten cu a gradua e aña aki, pabien. Y pa nan sigui pusha, sigui bay dilanti pasobra the sky is the limit. Y na esunnan cu no a logta e aña aki, otro aña bin mas fuerte pa logra bo meta pa cab’e.
Sigui lucha pa bay dilanti, MAVO ta djis e “stepping stone”. Lucha pa bo logra bo metanan.
