Algun siman pasa caba, via un comunicado interno di Cuerpo Policial Aruba, numera 1087/2022, altocomisario drs. Ramon Arnhem a anuncia na henter e cuerpo di 600 empleado, tanto polis como personal civil, cu entrante 1 di november 2022, Robert Candelaria ta bek den funcion di Comisario di Polis. Y diamars ultimo, riba su prome dia di trabou, e altocomisario mes a opta pa hurament’e. Poco inusual pasobra mayoria, si no ta tur polis, normalmente ta huramenta dilanti Minister di Husticia.
Kisas pa motibo politico of pa motibo cu den pasado Rocco Tjon tabata resorta bou di Robert Candelaria, ta haci e situacion straño. Fuente den Cuerpo Policial a sigura cu e intencion tabata pa e huramentacion sosode n’e forma regular pero na ultimo momento ‘cos a cambia’. Pero contal cu Arnhem a para dilanti Candelaria y cu dos dede halto el a hura di haci su trabou di e miho forma posibel y cu poder di Dios.
Despues di eleccion di aña pasa, den cual Robert Candelaria a crece den voto y sosten pero toch no a logra asumi un asiento den Parlamento di Aruba. El a opta pa bandona politica y sigui den sector priva. Cu e conocemento adicional den e ultimo 12 añanan, el a dicidi hunto cu su famia, cu e ta bandona arena politico y ta bay duna e miho añanan di su bida, mara na mas y miho experencia y conocemento, na loke mas e stima, polis.
E Minister di Husticia actual conoce su cualidadnan y sa cu e ta un persona recto y integro. Y el a laga e comision sa tambe cu el a bandona politica y no tin pensa di sigui activo mas tampoco.
Pa lesa mas subi TREMPAN.
