Banco Central di Aruba (BCA) a conclui e encuesta di percepcion di negoshi pa e prome trimester di aña 2022. E encuesta di percepcion di negoshi ta evalua e percepcion economico di e negoshinan local. Durante e di prome trimester di 2022, e asina yama ‘Business Perception Index’, cu ta consisti di e indicenan di condicionnan economico actual y condicionnan economico a corto plaso, a crece cu 1,4 punto di indice te na 107,9 cual ta refleha confiansa di negoshinan mas optimista (Grafiek 1).
E aumento den e percepcion di negoshinan ta debi na crecemento den tanto condicionnan economico actual y esunnan a corto plaso.
Grafico 1: ‘Business Perception Index’
E indice di condicionnan economico actual a crece cu 1,0 punto di indice te na 106,9 compara cu 105,9 den e di cuater trimester di 2021. E indice di condicionnan economico a corto plaso a registra un subida di 1,8 punto di indice, esta for di 107,3 den e di cuater trimester di 2021 te na 109,1 den e di promer trimester di 2022 (Grafiek 2).
E porcentahe di encuestadonan cu ta premira un crecemento economico positivo den e siguiente 12 lunanan a nota un subida di 6,1 punto di indice te na 50,0 porciento.
E informe completo di e encuesta di percepcion di negoshi ta disponibel riba website di BCA (https://www.cbaruba.org/).
Grafico 2: Condicion economico actual y condicion economico a corto plaso
